Wednesday, November 10, 2004

Hot potatoes!

Tíminn í dag er verkefnatími og því fór hann í... verkefni. Ég kláraði allt það sem ég átti eftir, eða svona næstum því allt, en þar ber hæst að nefna verkefni mitt í Hot potatoes, en það er hægt að nálgast hérna. Endilega reynið við prófið. Svo fer örkennslan að detta inn, en vegna tæknilegra örðuleika hefur það aðeins dregist á langinn.

Jæja. Nú fer maður að blogga eins og maður eigi lífið að leysa.

Wednesday, October 20, 2004

Já maður hefur vart tíma til að anda, því nú erum við að skoða þessa og þessa síðu!

Hot potatoes!

Hér er allt að fara á fullt! Stemmningin er rosaleg og fólk flykkist uppá borð til að dansa kóngulóadansinn bert að ofan. Loksins er skilasíðan mín orðin klár þannig að núna getur maður byrjað af fullu. Einhver eru skilaverkefnin komin inn en ég stefni að því að klára allt sem ég á að vera búinn með um helgina.

Ekki hefur maður verið nógu duglegur að blogga hingað en á því verður breyting á næstu árum, eða áratugum.

Ef ég má fara út í persónulega sálma þá myndi ég eflaust velja JOB 3:13. Mér þykir hann einfaldlega bestur.

Friday, September 24, 2004

Vefleiðangur - ferðaáætlun til London!

Kynning
Á hverju ári fara þúsundir Íslendinga til útlanda. Sumir fara út til að slappa af og komast í burtu frá amstri dagsins á meðan aðrir fara til útlanda til að skemmta sér stanslaust í 2 vikur með hópi vina sinna. Í þessum vefleiðangri átt þú að skipuleggja vikuferð til London. Í leiðangrinum þarf m.a. að koma fram hvernig þú ferðast, hvað þú ætlar að gera á hverjum degi, hvað þú ætlar að eyða ca. miklum pening o.s.frv.

Bjargir
Iceland express
Icelandair
Visit London
Timeout London (helstu atburðir þessa mánaðar)
London Tube (lestarkerfi London)

Ferli
Þetta er einstaklingsverkefni.
Þið byrjið á því að ákveða lengd dvalar (minnst helgarferð, mest vika) og hvernig þið ætlið að fara þangað og með hvaða flugfélagi.
Verið dugleg að finna fleiri vefi en ofangreinda, þetta er aðeins sýnishorn.
Eftir að hafa skoðað framboð á skemmtunum gerið þið grein fyrir því sem þið ætlið að gera og hvað það kostar - hvort sem um er að ræða fótboltaleik, leikhúsferð eða veitingastað sem þið ætlið á.

Mat
Verkefnið verður metið á því hve vel heimasíðan sem þið skilið verkefninu á er unnin, hve mikið þið gerðuð í þessari heimsókn og hve mikla vinnu þið unnuð í það.

Niðurstöður
Öll förum við líklega einhvern tímann til útlanda. Þetta verkefni getur því verið góður undirbúningur undir það að skipuleggja skemmtiferð, ekki bara til London, heldur hvaða borgar sem er.

Wednesday, September 22, 2004

Uppkast að Vefrallý

Ég hef ákveðið að láta krakkana glíma við spurningar úr íþróttaheiminum með því að nota 4 síður sem fjalla um íþróttir. Þessar síður eru Fotbolti.net, handbolti.is, mbl.is/sport og nba.com. Á þessum síðum er að finna svar við eftirtöldum spurningum:

1. Hvaða íslenski knattspyrnumaður er á reynslu hjá hollensku félagsliði?

2. Hvaða liði var spáð Íslandsmeistaratitli í upphafi nýliðins tímabils í Landsbankadeildinni?

3. Hvaða enski knattspyrnumaður meiddist í 2 mánuði í leik með liði sínu um daginn?

4. Hvaða körfuboltamaður skipti nýverið úr LA Lakers í Miami Heat?

5. Hvaða Formúlu 1 bíll mun notast við nýjan fram- og afturvæng í Sjanghæ-kappakstrinum?

6. Hvað er körfuboltakonan Menke Bateer stór?

7. Hvaða lið vann Ryderbikarinn í golfi um daginn?

8. Hver eru áhugamál Hlyns Jóhannessonar utan handboltans?

9. Hvaða liði mætir ÍR í 1. umferð bikarkeppni HSÍ n.k. þriðjudag klukkan 19:15 í Austurbergi?

10. Hvaða Ferrariökumaður ætlar að mála bæinn rauðan í Kína?

E-mailið mitt er valugunn@khi.is, ef einhver vill spreyta sig!

Kann þetta kallinn!

Ég hef ákveðið að fara að fordæmi Heimis og láta inn síðuna sem við vorum að skoða í dag hingað inn.

Slóðin er http://en.wikipedia.org/wiki/Main_Page.

Virkilega gott framtak hjá Heimi sem má nú samt passa sig að missa sig ekki í þessari tölvunotkun!

Önnur síða sem við skoðuðum í dag! http://starfsfolk.khi.is/salvor/skolastarf/vefsidugerd.htm

Wednesday, September 15, 2004

Í tíma í dag fórum við meðal annars inn á Bloglines og litum í kringum okkur á þeim bænum. Einnig lærðum við um undraheima RSS-skránna.

Ekki þykir manni það leiðinlegt, ó nei.

Wednesday, September 08, 2004

Upplýsingatækni

Þetta er líklega fyrsta bloggið mitt á þessa síðu. Geri aðrir betur.